કચ્છી વિસા ઓસવાળ સમાજના સૌથી પ્રાચીન અને ગૌરવ સમા તીર્થ સ્વરૂપ શ્રી આદેશ્વર જિનાલય ભાતબજાર મહાજનશ્રીની દરેક પ્રવૃતિઓનું સંચાલક બળ બની રહયું છે. આ સ્થળ મહાજનશ્રીનું મુખ્ય મથક છે. તીર્થસ્વરૂપ જિનાલયમાં ભગીરથ સમારકામ ગત વર્ષો દરમ્યાન થયું. દર્શનીય પટ્ટના નવનિર્માણ થયાં. પ્રભુજીની આંગી નવઅંગી ટીકા, કપાળપટ્ટી વી.નવા બનાવાયા. મહાજનશ્રીના કાર્યાલયનું નુતનીકરણ કરી અત્યાધુનિક બનાવાયું.

વિવિધ ધાર્મીક અનુષ્ઠાનો,પ્રતિ વર્ષ ચાર્તુમાસ, માસીક નવકાર મંત્રના જાપ, ૩૬૫ દિવસ આયંબીલની વ્યવસ્થા ઊપરાંત ઓળીની ઉજવણી, બાળકો માટેની પાઠશાળા, સંગીતના વર્ગો વિ.જેવી અનેકવિધ પ્રવૃતિઓનું સુપેરે સંચાલન ભાતબજાર સમિતિ દ્રારા કરવામાં આવે છે.

મહાજનશ્રી સંચાલિત ચીંચબંદર મહાજનવાડીના હુલામણા નામે પ્રખ્યાત શ્રી ક.વિ.ઓ.દે.જૈન મહાજનવાડી પ્રવૃતિઓથી ધમધમતી રહે છે. મહાજનશ્રી સંચાલીત (તમારા પૈસે તમારા લગ્ન) સ્વમાન લગ્નએ સમાજ માટે એક પરીવર્તનની લહેર સમું બની રહી ઇતિહાસ રચ્યો છે. ટુંક સમયમાંજ ૨૦૦ લગ્નની ઉજવણી થશે આજ ચીંચબંદર મહાજનવાડીમાં કચ્છી સમાજની અન્ય એક ગૌરવસમી સંસ્થા શ્રી ક.વિ.ઓ.સેવાસમાજનું કાર્યાલય પણ આવેલું છે. તેમજ ઉચ્ચ અભ્યાસઅર્થેં મુંબઇ આવતા વિધાર્થીઓ માટેની મહાવીર જૈન વિધાલયની હોસ્ટેલ પણ અહી કાર્યરત છે જેમાં ૧૭૦ થીવધુ વિધાર્થીઓ રહે છે.

મુંબઇમાં વ્યવસાયિક દ્રષ્ટિએ ભાતબજાર એક મહત્વનું કેન્દ્ર હોવાથી મહાજનશ્રીનું મુખ્ય કાર્યાલય ઊપરાંત કચ્છી સમાજનું મુખપત્ર એટલેકે આપણી ખબરપત્રિકાનું કાર્યાલય અત્રે ભાતબજાર મધે જ કાર્યરત છે.